تشيكن بيج ماك بالظبط واحسن كمان

اغسل الفراخ واصفيها كويس واتبلها بالملح والبهارات الايطالى هتلاقو الوصفة عندي واتركها شوية او ليلة لو عندك وقت

ارص كل الكمية وبينهم كيس ويدخل الفريزر شوية يشمع واشتغل بية ثاني

اجهز خلطة البانية دقيق وبيض وبقسماط والبقسماط عبارة عن ٢ رغيف فينو نشفتة في المايكروويف وطحنتة وعلية ملعقة كبيرة نشا و المقرمشات الصفرا(خدوا بالكو لانها بتكون ناشفة بعد القلى مش هشة ومقرمشة) او شوية كورن فليكس سادة افضل منها وكيس البهارات بتاع الاندومى او اقل شوية حسب الرغبة

الاحظ ان البرجر طرى لان دى فراخ قوامها بيلزق بس بعد القلى بتكون جميلة بلاش ازود عليها اي حاجة تخلى القوام ماسك نفسة و امسكة بالراحة وهو على الكيس واضع عليه الدقيق وامسحة بايدى ثم اقلبة على ايدى ثاني وادهنة بالدقيق ثم خليط (البيض اضع عليه م خل ونص م مستردة (خردل)) و استخدام الفرشاة في دهنة على البرجر علشان ميتفكش منى و ميتزحلش على فكرة الطريقة دى سهلة اوي ولو عايزين تفرزوة ثم تعملو خطوة البقسماط هيبقى اسهل في مسكة

ادهن الطبقة اللي من فوق بالبيض والجوانب واضعها على البقسماط ثم ادهن الطبقة الثانية واقلبها في البقسماط واضغط عليها بالراحة والفها علشان تحافظ على شكلها واضعها على بعض وبينهم نفس الاكياس

دلوقتى اقلى شوية بطاطس من اللي فرزناها وجهزى باقي الحاجات وبجد زي بتاع برة بالظبط بس انضف بكتتتتر