في كوكوط فرمت البصل ناعم واضفت الدجاج والزبدة والزيت والملح والتوابل خليتهم يتغلاو مليح ثم اضفت الزيتون والجزر كلش ني مع بعض لان راح الحال عليا زربت باه يطبلي لحت كلش في الكوكوك ومرقت وغلقت الكوكوط طاب كلش مع بعض وجات مرقة بنتها روووعة

نخلط كل من الدجاج مع التوابل خاصة بيه والبصل والثوم والمعدنوس المفرومين في خلطة الدجاج استعملت توابل الدجاج وفي خلطة اللحم استعملت الكركم والزنجبيل والملح والفلفل الاسود والثوم والبصل والمعدنوس خلكت كل وحدة وحدها وفرشت بابي فيلم حطيت خلطة الدجاج اولا ثم خلطة اللحم ثم الفرماج و روليت

كي نرولي الرولي تاعنا نحطو في المنيوم ونحطو في مول وندخلو للفرن كي يطيب (يستوي) مليح انا خذالي حوالي ساعة وهو في الفرن كي طاب نحيت الالمنيوم وبابي فيلم وحمرتو في المقلة و كي طاب المرق تع الزيتون خثرتو بمغرف فرينة (طحين او دقيق) مع شوية ماء وقطعت المعدنوس (بقدونس) جا مرق مشاءالله كيما اي مثل تقول اميرتي عسل ربي يحلي ايامها يارب