بسم الله الرحمن الرحيم نحط الفرينة (طحين) والسمن وملح ونجمع بماء الزهر حتى نتحصل على عجينة طرية نحطها في كيس ونحتفظ بيها ليلة كاملة

ومن جهة نحمص الكاوكاو بقشورو ونرحيه ونحط سكر والحمص لابلابي وحلوة ترك ورشة ملح ونحطهم في روبو ونرحيهم نقسم الكمية على ثلاثة باه تترحي مليح وبعد مانكمل نعاود نرحي مرة ثانية حتى نلاحظ انو بدات تتشكل عجينة

تلقاي عجينة الكاوكاو شوي مش متماسكة زديلها شوي سمن باه تتحمع معاك وتتحصلي على حشو طري للغريبية نحطها هي الاخرى في كيس ونحتفظ بيها ليلة كاملة

وفي الغد نعجنهم شوي ونجيب الة التوريق ونفوتها في رقم 2و 3و4 ونطبع شكل دمعة ونزيد نطرح الحشو ونطبع تاني وندهن ببياض البيض ونحط طبقة عجينة ونزيد الحشو وندهن ببياض البيض ونحط طبقة عجينة ونحاول نفوت الطابع على حبة الغريبية باه نتخلص من زوائد انا عملتها بشكل دمعة وشكل قلب