كريب دجاج

انزل بالدقيق بالتدريج بالتبادل مع الماء واخلطهم في الخلاط لغاية ما اوصل لقوام قريب جداً من قوام الكيك انا بفضل ازود دقيق وماء واظبط القوام

الكمية النهائية بتكون لتر ونص خليط عندي

طبعاً دورق (قارورة) الخلاط مش بيقضى فبفضى جزء من الخليط في دورق (قارورة) والباقى في الخلاط ازود عليه دقيق وهكذا لغاية ما اوصل للكمية اللي انا عايزاها انا بعمل الكمية كلها تكون لتر وربع خليط

الكمية دى بتعملى ٥ كريب كبير و٢ صغيرين و منساش اصفى الخليط بعد الانتهاء منه وتركه يرتاح حوالي ربع ساعة ثم ابدأ اشتغل بيه وادوقة علشان اضبط الملح وطبعا هحس بطعم مر شوية طبعاً علشان الدقيق نىء لما هيستوى مش هيبقى فيه اي طعم

هنعملة بنفس الخطوات اللي عملنا بيها كريب الشوفان بالظبط بس الفرق ان الكريب دة معمول من الدقيق الابيض العادي

اسخن الجريل كويس اوي وادهنا زيت بسيط واضع مغرفتين لان الجريل عندي كبيرة تمسك نفسها ثم اقلبها واحضر طبق كبير مقاس الكريب واللى يخلص اضعه فوق بعض مش هيلزق لغاية ما اخلص كل الكمية

احضر اي حشوة انا عايزاها انا هنا عملتة بحشوة الفراخ اكيد حفظتوها منى خلاص بالبهارات الايطالى (بحتفظ بيها في برطمان بينقذ طبعاً في اي حاجة خاصة بالفراخ سواء حشوات او بانيه او شيش) وطبعا هتلاقوها منشورة عندي ومعها فلفل وطماطم ورشه ملح وكاتشاب ومايونيز بيتي تحفه ومستردة (خردل) وطبعا الجبنة. اطبخها على النار مع السمنة

المهم بقى في اللفة هعملها زي كدة واسيبة يحمص شوية ويقرمش من الجانبين

اقدمها بقى في ورق زي برة وده بيتباع في محلات مستلزمات الحلوانى وسعره رخيض والف اسفل الكريب بورق فويل او كيس علشان لو صوص نزل او حاجة ميبهدلش الورقة واعيد استخدامها مرة ثاني

في طبعاً وصفات فيها بيض كتير او لبن بس دة المقدار اللي بحب استخدمه وارتحت معاه لان مش بحب اي زفارة للبيض علشان كدة برضة رشة الفانيليا هتديكم ريحة حلوة اوي واحنا بنعملة بدل ريحة البيض