نبدا بعجينة صابلي نضيف كل المكونات تم نضيف الفرينة بتدرج حتى نتحصل على عجينة طرية نطبعها بطابع دائر و ندخلها الفرن كي طيب نخليها تبرد

نحضر الشكولاطة انا ستعملت ماكسن بالحليب ذوبتها في حمام مائي بدون اي اضافات و نجيب المول تاع سيلكون نصف دائرة باستعمال البانسو ندير طبقة 1و ندخلها المجمد تم 2 و ندخلها تجمد ثم طبقة 3وندخلها المجمد ثم نبدا نخرجها من المول و ناخد سكين المنشار ونكرط هديك نصف دائرة بالطف حتى نتحصل على نصف حبة جوز الهند و نحطها بجنب

الحشو: جوز الهند نضيفلو قليل من حليب جوز الهند و حليب المحلى مركز (نيسلي) حتى نتحصل على عجينة طرية ونحشي بيها هديك النصف دائر تاع شكولاطة ثم ندير قليل من شكولاطة على صابلي ونلصق هداك النصف الدائرة

ثم هداك الفراغ نعمرو بالنيسلي و نحط قليل من الورقة ذهبية وصابلي بريستيج واجد معانا شهية طيبة للامانة بنة لا تقاوم عشاق جوز الهند