معكرونة بالبشاميل 😋💓
من أحلى الأكلات عندي روعة بجد🤩😍💓👌
#طبخات_عائلتي
الخطوات
- 1
أولاً نسلق المعكرونة في ماء مغلي مضاف إلية ملعقة كبيرة ملح و٣ملاعق من الزيت ونسلقها 3/4سوا ولما تتسلق نشلها ونصفيها في مصفة ونسبها لحد لما نحضر حشوة اللحمة☺️
- 2
لتحضير حشوة اللحمة : بنجيب مقلاية غويطة ونضع فيها الزيت والزبدة ونضع عليها البصل المبشور والثوم ونحمرهم مع بعض شوية وبعدين نضيف اللحمة المفرومة ونقلبها مع البصل والثوم
- 3
وبعدين نضيف الملح والفلفل والبهارات والبابريكا والقرفة والسكر ونقلبهم مع بعض وبعدين نضيف الجزر المبشور والفلفل الأخضر ونقلبهم ☺️
- 4
بعد كدة نضيف عصير الطماطم والصلصة ومكعب المرق ونغطي المقلاية ونسيب اللحمة تتسبك على نار هادية ولما تتسبك نشيلها من على النار ☺️
- 5
نحضر البشاميل:بنجيب حلة صغيرة ونضع فيها الزبدة والدقيق ونقلبهم مع بعض شوية وبعدين نضيف اللبن والملح ونستمر في التقليب بمضرب سلك يدوي لحد لما يتقل قوام البشاميل ونشلها بعد كدة من على النار ☺️
- 6
نحضر بعد كدة صينية وندهنها زيت ونضع فيها 1/2 كمية المعكرونة المسلوقة وبعدين نضع عليها حوالي ٤ ملاعق من البشاميل أو ٥ ملاعق الطريقة دي مش بتخلي طبقة المعكرونة إللي تحت تفك معاكي في التقديم☺️
- 7
وبعدين حوطي اللحمة المفرومة المتعصجة ووزعيها كويس على المعكرونة وبعدين حوطي 1/2كمية المعكرونة التاني ووزعيها كويس☺️
- 8
حوطي بعد كدة البشاميل ووزعية كويس على المعكرونة وبعدين دخلي الصينية الفرن على درجة حرارة 200 ولما تستوي ووشها يتحمر خرجيها وسبيها تبرد
- 9
وبعد كدة قطعيها وقدميها وبالهنا والعافية يارب بجد طعمها روعة جربيها هتعجبك جداً 😍👌💓🤗🌹💐
وصفات مشابهة
-
-
-
-
معكرونة بالبشاميل واللحمه المفرومة 😋💓 معكرونة بالبشاميل واللحمه المفرومة 😋💓
#باللحم_المفروم
-
-
-
-
-
معكرونه بالبشاميل 😋 معكرونه بالبشاميل 😋
كان نفسي اعملها من زمان بس كنت خايفه متبقاش حلوه اول مره اعملها وطلعت تحفه واهلي حبوها جداً
-
-
-
وصفات ننصحك بمشاهدتها
التعليقات (11)