في طنجرة نضيف زيت وملعقة زبدة وثوم وتوابل ومبعد نضيف تليتلي نحمصها مليح مليح وممبعد نمرقها بمرق الدجاج ونغلق طنجرة ومرة على مرة نحركها

نوجد صوص نرابي ثوم ونضيف ورق رند (غار) وتوابل وزيت نضيف عليه بصل مرابي و نضيفلو صدر دجاج طايب ومرحي وطماطم مرابي ونخليه يطيب (يستوي) وفي الاخير نضيفلو شوي معدنوس (بقدونس) مقطع رقيق

نوجد كريمة في الخلاط الكهربائي نضيف علبة ياغورت طبيعي مع 8 حبات فرماج (جبنة) حتى تولي كريمة

كي طيب تليتلي نجيب صحن التقديم نضيف طبقة تليتلي وطبقة صوص وهاك حتى نكمل كي نكمل نفرغ عليها كريمة وندهنها من كل الجوانب بكريمة ونزين نحط ورود وفي جوانب ورقات ونزين بخطوط من هريسة ونحط زيتون أسود وفي لحواف معدنوس (بقدونس) مقطع رقيق وبصحة وراحة 😘😘🤩🤩 نشاء الله تعجبكم