بالنسبة للعجينة نبدأ بالسوائل ثم نزيد الفرينة (طحين) حتان (حتى) تتلم وتكون عجينة لينة شويه ونخليها تختمر

بالنسبة للحشوة نحتاج للبصل نذبلو مليح في الزيت وبعدها نضيف الفلفل اخضر مقطع ونزيد نشحرو ونكون قطعت الدجاج قطع صغيرة ونزيدو للبصل والفلفل يتتشحر كي يأخذ لون ذهبي ندير التوابل انا حبيتها بطعم الشاورما زدت توابل الشاورما شويه وفلفل اسود ملح وفلفل احمر ونخلط مليح نتتشرب ونزيد الزيتون اخضر مقطع دوائر وبعدها نزيد كأس ما ونقص للنار ونخليه يتجمر

نفتح لعجينة ونصب لحشوة ونزيد لفرماج لعندك ونزيد نڨرس الطبقة لفوقانية ونزينها بالفلفل والطماطم شرائح ونكون دهنتها قبل بصفار بيضة مع شويه قهوة ونخبزها بالفرن