بسم الله نبدا ونعمل العجينة نخلط المكونات ونعجن آخر شي ملعقة الملح بنضيفها للعجين ونعجن 5 دقايق ونتركها ترتاح وتخمر نص ساعةوبعدين نفردها بصينيةالفرن بعد ماندهنها شوي زيت.

بنحضر الحشوة بالخلاط كل المواد الجبنة البيضاء والبيض والفلفل الأحمر الحار وباقي المكونات وتخلط ونصبها فوق العجينة وكدا خلصت فينا ندخلها الفرن او بنعلي القيمة الغذائية ونضيف الخيارات اللي ذكرتها فلفل رومي (فليفلة)ملونة أخضر ،اصفر،احمر والزيتون الأسود والأخضر ونقانق وفطر معلب.

تدخل الفرن محمى مسبقا درجة حرارة من وسط لمرتفعة 200 مثلاوبعد 10 دقائق بنختبرها متل الكيك بسكين اذا طلعت نظيفة السكين خلاص نضجت ممكن تاخد ربع ساعة على حسب نوع الفرن بعدين بنحمر وجهها وتقدم وصحة وعافية.

بالنسبة لنوع الجبن اي نوع كريمي اسطنبولي اي نوع ممكن نضيف جبنة شيدر او قشقوان او امنتال.

الفلفل الأحمر الهريسة الحارة ضروري مابخلي البيض يزنخ واللي مابحب الحار في يكتفي بملعقة صغيرة على البيض ويخلطها وبعدين يضيف الباقي فينا نحط فلفل أخضر قرون ونفرمها معهم ورشة فلفل اسود.

فينا مانخلط بالخلاط نضرب البيض بالمضرب ونهرس الجبنة بالشوكة ونضيفه لبعضهم ونحط الإضافات.

بالنسبة للاضافات بعد مانخلط بالخلاط بصب الخليط بصحن وبحط الإضافات وفينا نخلي شوي قطع جبنة نقطعها مكعبات او نضيف مكعبات كيري انا هنا حطيت واضيفهم بدون خلط واقلبهم وبعدين بصبهم على الصينية.

بالنسبة للقاعدة التانية رح اعملها وصفة مفصلة وانزلها لحالها لانه الها خيارات بالشغل حرام اختصرها بس حبيت أعطي فكرة عنها.

نصيحة جربوها كتير طيبة بالاضافات او بدون رائعة لعشاء لفطور لحفلة غريبة ومميزة.