ويلا بينا على الطريقة... بعد ماتربطى العرق بالدوبارة أو تخلى الجزار يربطهالك.. هتعملى فتحات فيها بالسكينة

تحشى الفتحات دى بالثوم

تحطى ملح وفلفل على العرق كله بالكامل وتدعكيه بأديكى

فالوقت ده تكونى سخنتى الزيت كويس في صينية وعليها قطعة زبدة صغيرة.. وتنزلى فيها بالعرق يتشوح كويس من جميع الاتجاهات

لو الزبدة ماتحرقتش منك كملى شغل فنفس الصينية لو لا يبقى انقليه في صينية نضيفة وقطعى فيها بصلة مكعبات وعليها كباية أو كباية ونص ماء وغطيها بالفويل كويس عشان هو ده اللي هيسويها ودخليها الفرن تأخذ راحتها فالتسوية.. انا خدت منى ساعتين

طلعيها وجربى حطى فيها سكينة لو نزلت سائل يبقى لسة ماستوتش

سيبيها تبرد وحطيها فالتلاجة عشان تتقطع مزبوط معاكى لكن لو قطعتيها وهى ساخنة هتتفرفت منك... وبعد كده طلعيها قطعيها شرايح بالسمك اللي انتى عاوزاه

ممكن تسخنيها ثاني لو مش بتحبيها باردة

قدميها مع صوص الديمى جلاس ورز.. أو لو بتعملى دايت قدمى جمبها خضار سوتيه... أو اعمليها ساندوتشات للولاد أو او.. أفكارها كتير بصراحة وبالهنا والشفا