ضعي البيض و السكر و الملح اخفقيهم حتى يصبح الخليط فاتح اللون و يتضاعف حجمه ثم اضيفي تدريجيا الفرينة (طحين) و الفانيليا و افرغيه في صينية مغلفة بورق الطهي وضعيه في فرن مسخن من قبل على درجة حرارة 180درجة مدة 12 دقيقة

(ملاحظة ابدئي بتحضير الشاربات قبل البسكويت) في كسرونة بها كاس سكر و كاسين ماء ضعيها فوق نار متوسطة كي تغلي احسبي 10 دقيقة و اطفي و خلي السيرو يبرد

بالنسبة للكريمة ضعي المرغرين و الزيت اخفقيهم بالباتوغ حتى تحصلي على قوام كريمي ثم اضيفي السكر والفانيليا والحليب وواصلي الخفق حتى يصبح اللون فاتح

كي يطيب (يستوي) البسكويت و هو سخون نحيلو ورق الطهي و حطيه فوق طرشونة مندية بالماء و مرشةشو بالفرينة شربيه بالسيرو لي يكون بارد و حطي نصف الكريمة ثم لفيه و ضعي النصف الثاني من الكريمة من فوق للتزيين