الخطوات
- 1
في طنجره الضغط حطيت فخذ دجاجه وبصله وتوم قطعتهم.رقيق وملح وورقه رند. وملعقتين زيت والقليل من الفلفل الاسود والكمون ونقليهم مليح ونمرق بماء يغلي حوالي كاس ونصف الى كأسين ونغلق عليها
- 2
ومن جهة اخرى نقلي البطاطا والجريوات هنا تقدري تضيفي اي نوع خضر تحبيه ونشوي الفلفل ونحطو في كيس بلاستيكي لكي يسهل عليا تقشيره خليتو حوالي دقيقتين وقشرتو قطعتو الى قطع صغيره
- 3
بعد ما يطيب الدجاج نقطعو الى قطع صغيره وفي مقلاه نحط ملعقه زيت ونزل عليها الدجاج تاعي نقليه شوي ونزل عليه الفلفل المشوي نقليه. المرحله هدي درتها بغرض الدجاج يتنكه بنكهه الفلفل
- 4
وبعدها نجيب المرق لي كان بقالي من الدجاج حوالي نصف كاس نضيفلو البيض والجبن الطري انا هنا استعملت جبن لو شاف. نصف قطعه والنصف الباقي نحطو مع الخضر والدجاج
- 5
نزل اغلب كميه الخليط على البطاطا والجريوات والدجاج والفلفل ونمزجهم باه يتنكهو بعدها نضعه في المول لي يدخل للفرن ونضيفلو الخليط المتبقى وندخلو للفرن يطيب
- 6
وبعد ما يطيب نضيفلو الجبن المبشور وندخلو للفرن مره اخرى قيس ما يذوب فقط.
- 7
وفي الاخير هدا هو غراتان الخضر تاعي والفلفل المشوي عطاه طعم هايل نتمنى تجربوه ويعجبكم وبالصحه والهنا علينا كاملين 😍😍😍
وصفات مشابهة
وصفات ننصحك بمشاهدتها
التعليقات (2)