في قصعة نحط الزبدة والسكر ونحركهم مليح حتى يذوب السكر ونضيف عليهم البيض وقرصة ملح ونحرك ونكمل النشاء والخميرة ونلم بالفرينة حتى نتحصل على عجينة متماسكة ونخليها ترتاح.

على طاولة نفتح العجينة ونطبعها بطابع دائري ونحط في البلا وندخلهم للفرن حتى يطيبوا ونخليهم يبردوا.

نذوبوا الشوكولا البيضاء في حمام مائي دون أي اضافات ونعمر السيليكون تاعي كيما مبين ليكم في الصورة وندخلهم الثلاجة حتى يبردوا ونحيهم من السيليكون ونحطهم على جهة.

نأخذ كل زوج حبات من الصابلي ونلصقهم بشوي كونفيتير ثم نتركهم قليلا حتى يشدوا شوي وبعد نحكم ندور الكونفيتير على الجوانب تاع الحبة ونرمدهم في النواد كوكو.ونكمل باقي الحبات بنفس الطريقة.

نضع فوق حبة القاطو قليل من الشوكولاتة البيضاء بالملعقة ثم نلصق عليها الصورة.ونزيد نهز الكادر الي خدمتو ا بالسيليكون ونحط قليل من الشوكولاتة ونلصقوا كيما في الصورة.