بسم الله نبداو بتحضير كريمة الليمون

نحطو في كسرونة الحليب وبشر الليمون فوق نار حتى يبداو فالغليان

من جهة اخرى نفرغو عصير الليمون والمايزينة والسكر نخلطوهم وكي يغلي الحليب نصفوه من بشر الليمون ونفرغوه على الخليط الاول ونرجعوه فوق النار حتى يخثار ويشكل فقعات نحيوه من النار ونضيفو الزبدة ونخليو الكريمة تبرد

نروحو نحضرو العجينة ونحطو البيض السكر الناعم والزيت والفانيلا ونضربوهم حتى ينساجمو

نضيفو المايزينة وملعقة خمارة الحلوى ونكملو نضيفو الفرينة (طحين) حتى تتشكل عجينة طرية

نحلوها بالحلال ونطبعوها بالشكل لي تختاروه ونطيبوها بالفرن من لفوق ومن لتحت

هنا انتهت الوصفة