اولا هنحضر السيرب هنحط حله على النار فيها كوبين سكر وكوبايه ونص ماء ومعلقتين العسل ونسيبهم خمس دقائق يغلو وبعدين نحط عصير نصف الليمونه ورشه الفانيليا ونسيبهم على النار دقيقتين بالظبط ونطفي وبكدا السيرب يكون جاهز ونسيبو يبرد

للعجينه في حلة على النار نحط كوب ماء وربع كوب زيت ورشه الملح واول ما يبدأو يغلو هننزل بكباية الدقيق المنخول متقلب فيه معلقتين من النشا ونقلب كويس لحد ما العجينة تمسك معاكي اهم حاجه مانسيبش الماء تغلي كتير عشان مطلعش بخار وكميه الماء تنقص وتبوظ معاكي

بعد ما العجينة تمسك معاكي هنطلعها في بوله ونبدأ نقلب فيها او بالمضرب لحد ما السخونه تطلع منها بعد ما نتأكد انها بردت نبدأ نحط بيضة ونقلب كويس جداً هتلاقيها بتتفك معاكي عادي هتستمرى في التقليب هتمسك وبعدين البيضه التانيه ونحط ملعقة الخل ورشه الفانيليا ونقلب وبعدين البيضه التالته ونقلب كويس وبكدا العجينة جهزت

هنجيب كيس حلواني والقمع بتاع بلح الشام وهتحطي العجينة فيه وهتقطعي في زيت بارد تماما وبعدين تفتحي نار متوسطة هياخد لون ذهبي وهطلعي وتحطي في السيرب البارد خطوة مهمه جداً لما تيجي تقطعى تاني وتحطي في الزيت سيبي الزيت يبرد خالص وارجعي حطي. وبكدا هيطلع معاكي حاجه كدا تحفه 🤭