بسم الله نبداو نقشرو البطاطا ونقطعوها ونحطوها في طنجرة ونفرغو عليها لتر ونصف ماء ونديرولها شوية ملح ونخليوها طيب

فلكوكوت نحطو زيت يسخن على نار قاوية نحطو لحم تاعنا ونحمرو مليح كي يتحمر من الجانبين نقصو لنار نحطو التوابل الملح ونمرقو بكاس ونصف ماء نخليوه يبدا يغلي نغلقو الكوكوت (الطنجرة) ونقصو لنار كامل ونحسبو ربع ساعة ونفتحو الكوكوت (الطنجرة) هنا يكون اللحم طاب زبدة

بعد مطيب البطاطا يبقى فيها قيس نص كاس ملماء لي طابت فيه نحطو الزبدة الفرماج الحليب ونخلطوها بالباتور صدقوني تجي روعة

نقدموها فالصحن ونحطو الكوتليت ملفوق والصوص لي نصيبوها في الكوكوت نسقيوها ملفوق هذ الخطوة اختيارية 💖انتهت وصفتنا اتمنى تنال رضاكم🤗🤗🤗🤗