قطعت صدر الدجاج مربعات صغار والبصل ثاني مربعات سكرفجت الثوم ودرت الجلبانة والتوابل ملح والزيت وقليتهم مليح ومرقت قيس ماطيب الجلبانة والجاج

قشرت البطاطا تاعي غسلتها وقطعتها دوائر وقليتها

كي طابت الجلبانة والدجاج صفيتهم من المرقة جبت المول تاع الكوشة ستفت نصف البطاطا من التحت وزدت هاذيك الجلبانة والدجاج منبعد زدت البطاطا من الفوق

حكمت هاذيك المرقة درتلها مربع فرماج شاف وزوج حبات بيض وضربتهم مليح وفرغتها فوقهم

شعلت الفور تاعي من التحت حتى نشفت المرقة منبعد شعلت من الفوق باه تحمار شهية طيبة