أولا نعجن العجين بالماء وهو يابس جيدا ونبلو شوي ماش بزاف كيما الرشتة ونقرصو ونحلو بالقنوط ونرش بالسميد لرطب حتى نتحصل على عجينة رقيقة تماما ثم نلويها ونقصها بالموس رقيقة ومن بعد نحلها نتحصل على شرائط طويلة نفوتها في سيار باش يهبط هذاك الدقاق كامل ونحطها تفور ولي بغات تسهل على روحها تخدمها فالماشينة كيما الرشتة تماما وهي تتحل فلخشين برك ونحطها تفور مع تهز الفورة نحيها

في طنجرة نحط البصل المرحي والطامطم حب والثوم المدروس مع شوي ملح والفلفل الحار اليابس وحبة البطاطا اختياري والزيت ولخليع المغلي من قبل ونقلي ونضيف جميع التوابل والطماطم باط ونخليها تتقلى مليح ونمرق ونخليها طيب نص طياب ونلوح لمقطعة تكمل معاها طياب ومرة مرة نحركها باش ماتلصقش فالڨاع ومانكثرش التحراك باش ماتتحلش ثاني