اولا خلطت الماء والحليب الدافئ زدت السكر و الخميرة و السميد و الملح خلطت مليح و بديت نضيف في الفرينة (طحين) حتى تحصلت على عجينة متماسكة ماشي طرية بزاف... (انا استعملت كاس ٢٥٠ملل ،اذا كان الكاس تاعكم كبير ضاعفو كمية الخميرة و السكر و الملح...) و خليتها تتخمر لمدة ساعة

بالنسبة للحشو :قليت البصل في شوية زبدة و زيت حتى ذبال اومبعد زدت اللحم المفروم كيما اي مثل تقدرو ديرو صدر دجاج.. يتقلى شوية و نضيف التوابل...

بعد ما يتقلى مليح اللحم و ينشف شوية نضيف طماطم و نخليه يطيب (يستوي) مليح..

بعد ما يبرد الحشو و تتخمر العجينة.ندير كرات صغيرة ولا كبيرة كيما اي مثل تحبو نفتحهم شوية بيدي و نحط الحشو و الجبن و نرفد الاطراف و نغلق مليحح.اذا شفتو العجين بزاف في الحبة نحو الزوائد.ونطيبهمفي الة البانيني (منزيدوش للحرارة بزاف باش يطيبولنا مليح) وكي نحطو الحبات منضغطوش عليهم نغلق الاة فقط باش ميتفتحوش..

ملاحظة : الحشو لازم يكون ناشف مليح يعني ثقيل ماشي خفيف باش ميخرجناش..

وبصحتكم 🖤 بالنسبة لي معندهاش هاذ الالة تقدر تطيبها في مقلاة تكون ثقيلة و متلصقش ❤️