بسم الله اللهم صلي وسلم على سيدنا محمد

نفور الشوفلور وفي كوكوط حطيت الدجاج والبصل المفروم مع الثوم اضفت الزبدة والزيت والتوايل وغليت الكل جيداً ثم قطعت حبتين بطاطا واضفتهم للكوكوط ومرقت وغلقت الكوكوط باه يطيب (يستوي) الكل لكن انا تحرقتلي المرق 😢😢😢😢😢

كي فارلي الشوفلور والمرق اللي تحرقتلي نحيت البطاطا اللي ما تحرقتليش والدجاج اللي ماشي محروق فتتو واضفتو للشفلور مع البطاطا ورحيتهم مع بعض اضفت المعدنوس (بقدونس) (بقدونس) والالتوابل اللي درتهم في المرق وخلطت الكل شكلت ليبولات غطستهم في البيض ورمدتهم في لاشبلوغ وقليتهم في زيت

بعد ماقليتهم كنت راح نحطهم غير مع سلاطة خممت في فكرة البيشامل بهذي حظرت البشاميل كاي وصفة. واضفتلها الكركم والجبن جات هايلة واسكبتها على الكروكات واصفت الجبن المبشور ودخلتها الفن كي طابت قدمتها جات تشهي مافيهاش بنة الشوفلور والله جان تشهي بصحتنا