الخطوات
- 1
اول حاجة حطيت السكر مع الخميرة و قلبتهم مع نص كباية اللبن الدافئ و غطيتهم و سبتهم على جنب شوية.
- 2
بعديها على طول نخلت الدقيق و ضفت له الملح و رشة الزعتر و بعدين ضفت الخميرة باللبن.. و لميت العجينة و كل ما تحتاج اضيف شوية بشوية لبن... لحد ما لمت خالص و اهم حاجة تعجني فيها شوية حلوين كدة يجي ٣ دقائق كدة عشان تبقي حلوة بعد كدة... و بعدين دهنتها بشوية زيت زيتون و غطيت عليها في حتى دافية و سبتها تختمر.
- 3
اللحم وقطعيها مكعبات مش صغيرة اوي يعني.. و بعدين سخنت الحلة على النار و ضفت ملعقة زيت و نص ملعقة سمنة عشان اللحمة كانت فيها حتت دهنية كفاية... و لماالزبت سخن كدة حطيت اللحمة و مقلبتهاش خالص و على نار عالية و غطيتها... نزلت ميتها و كل ما تحتاج ازود شوية ماء صغيرين خالص.. لحد ما قربت تستوي.
- 4
قطعت كل الخضار مكعبات قد اللحمة و الثوم شرائح.. و رحت ضايفة كل دة للحمة و طبعاً قلبت كويس اوي و سبت كله يتشوح مع كله.
- 5
جبت كيس صلصة و خففته بشوية ماء و حطيت كل البهارات بتاعتي ما عدا الملح و قلبتهم و ضفتهم على اللحم و الخضار و طبعاً قلبت كويس اوي..
- 6
لما حسيت الخضار بدأ يستوي زودت الملح على حسب ذوقك انتي بقي.. بس نصيحة متكتريش ملح في الاكل..
- 7
فردت العجينة بتاعتي و قطعتها على مقاس اكبر من الطواجن شوية.. و تملي كل طاجن بالخضار و اللحمة و تغطيه بالعجين.
- 8
دهنت العجينة ببيضة مع شوية لبن و رشيت سمسم و حبة البركة.
- 9
و الفرن كنت مولعاه يسخن قبل ما ابدأ افرد العجينة.. رصي الطواجن و هي ربع ساعة أو ثلث ساعة و كله يبقى تمام على درجة 200
- 10
اول ما تطلع رشي العجينة بشوية ماء من الحنفية عشان تطري معاكي... رشة صغيرة.
- 11
و بالهنا و الشفا
- 12
و قدمتها مع رز بالشعيرية و طماطم مخللة
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
-
-
-
-
-
-
-
طاجن اللحمة التركي 👌😋 طاجن اللحمة التركي 👌😋
#عيد_الاضحي#تحدي_العجين#التحدي_الذهبي
-
طاجن لحمة بالعجين 🐏🥩 طاجن لحمة بالعجين 🐏🥩
طاجن لحمة ضاني بعجين، بجد الطاجن دة وهمممي وانتي بتاكلي العجين باللحمة حاجة كدة كارثة 😋😋#الشيف_الذهبي#عيد_الاضحي
-
وصفات ننصحك بمشاهدتها
التعليقات