نحط البرمة فيها الماء على النار بعد مايغلي نسوم التليتلي بشوي زيت ونحطو في البرمة نغليه مدة دقيقتين أو ثلاث دقائق ومنبعد نصفيه وندهنو بشوي زيت وملح ونفورو تفويرة وحدة

في كوكوط نحط بصل مرحي مع فلفل اسود ورأس الحانوت والملح وفلفل حار مرحي والدجاج نقليهم مليح على نار ناقصة ومنبعد نمرق بماء ساخن

بعد مايطيب الجاج وتخثار لاصوص نجيب التليتلي ونجمرو على نار قليلة والتقديم كيما تحبي انا درت فلفل مقلي وبطاطا وبيض مشرشم وصحة وعافية 🥰