نخلط البيض مع السكر مليييح نزيد عليهم الفاني والزيت نضيفو بالتدريج نحط المايزينة مع كيس خميرة وكاس فرينة (طحين او دقيق) نحركهم مليح بأصابع اليد بلا مانعجنو نزيد الفرينة (طحين) بالتدريج حتى نتحصلو على عجينة طرية ما تتلصقش نغطيها بكيس

نشعلو الفرن على نار متوسطة

نحل العجينة فوق كيس بلاستيكي ونطبعها بأي شكل نحطهم في صينية مدهونة بالزيت ورشة فرينة (طحين او دقيق) ندخلهم يطيبو حتى يحمارو م التحت

بعد ما يبرد مليح نجيب المعجون ونلصقو حبة مع حبة وفالجوانب نديرلهم نواد كوكو (جوز الهند) ونزينهم بالشوكولاته والثاني لونت المعجون بالملون الأحمر

كل ما يبقى هذا الڨاطو يزيد هشاشة وبنة♥