بسم الله نخلطو كل المكونات الجافة نخلطوهم مليح بالملعقة من بعد نزيدو نخلطو المكونات السائلة ماعدا الماء نخلوه مع الاخير

بعدما ما خلطنا المكونات السائلة نضيفو عليها المكونات الجافة تدريجيا حتى نكملو المقادير بعدما ما نخلطوهم نتحصلو على قوام ثقيل هنا نضيفو الماء الساخن

ونخلطو حتى يدخل هداك الماء مليح فلابات نديروها في صينية الفرن مدهونة بالزبدة ومرشوشة بالكاكاو وطبعا نكونو سخنا الفرن مسبقا وندخلوها لفرن مشعول ملتحت فقط كي تنشف ملتحت نشعلولها لفوق

كي طيب نوجدو لڨلاصاج

وقطعوها مربعات وزينوها بنوات كوكو (جوز الهند)

نذوبو الشوكولاتة في حمام مائي، بعد متذوب نضيفولها الدانيت ونغطو بيها سطح الكيكة

ملاحظة اي كيك شوكولاته رشو الصينية بالكاكاو عوض الفرينة (طحين) راح تزيدها بنة

ملاحظة ثانية باش نعرفو الكيك الا طاب نرشقو فيه سكين ولا اعواد خشب الا خرج ناشف نعرفوها طابت