هنجيب نص كيلو فراخ مخلية ومتقطعة مكعبات كبيرة ونتبلها برشة من الملح والفلفل الأسود والشطة و الزنجبيل وثوم بودرة وبصل بودرة ومعلقتين صغيرين نشا ومعلقتين صويا صوص.

هنطلعها من التتبيلة ونحطها في دقيق عليه معلقتين نشا كبار ونتبل الدقيق بردو بالملح والفلفل الأسود والثوم والبصل البودرة والزنجبيل ونحمرها في زيت سخن ونطلعها على مناديل.

نيجي بقى في طاسة نحط معلقتين زيت ونشوح فيها ملعقة ثوم مفروم ومعلقة زنجبيل وبصلتين كبار مقطعين شرايح وفلفل الوان شرايح وكوسة وجزر شرائح وبعدين ننزل بالفراخ ونقلب كويس ونغطي عليها خمس دقائق.

ننزل بعد كدة بقى بمعلقتين كبار من العسل الاسود ومعلقتين كاتشب كبار، ومعلقتين صويا صوص ومعلقتين نشا مدوبين في ماء ساخنة ومعلقة خل صغيرة ونقلب كويس.

هنظبط الملح بتاعها ونرش فلفل اسود وكمون ومكعب مرقة دجاج ونزود كوب ماء ونهدي عليها ونسيبها تستوي، الموضوع كله تقريبا هياخد منك نص ساعة بس.