نغسل العدس كويس ونصفيه ونحطه في حلة متوسطة

نقطع الطماطم والبصل والبطاطس اربع تربع ونحطهم مع العدس ونقطع الجزرة حلقات معاهم ونحط فص الثوم ونحط ماء لحد ماتغطيهم بشوية

نحطهم على النار ثلث ساعة لحد ما يستوي وبعدين نطفى ونسيبه يبرد شوية وبعدين نضربهم في الخلاط لو حسيتو أنه تقيل وانتو بتضربوه زودو شوية ماء

نرجعهم الحلة ثاني ونحط ملعقة كمون و واحدة ماجي وشوية ملح حسب الرغبة ونقلب

في حلة صغيرة نحط حتة زبدة وحتة سمنة ونحمر الشعيرية بس مانغمقهاش اوي يعنى ذهبي كده وننزل بيها على العدس وبالف هنا 😍