شاورما بطريقة مختلفة

بقطع الصدور مكعبات صغار وبتبلون بالملح والبهار والبابريكا وملعقتين لبن (زبادي)وملعقة خل وتلات ملاعق زيت زيتون وبتركون بالتلاجة لمدة ساعتين او يوم كامل

بقطع الفليفلة شرائح بالطول والبصلة كمان بقطعا شرائح بالطول

بحط مقلاية عالغاز وبحط فيا زيت زيتون والبصلة بتركا حتى تدبل وبضيف الصدور بس ينضجو بحط الفليفلة المقطعة وبغطيون شوي ع نار هادية لحتى تدبل الفليفلة

ع جنب بكون حضرت الخبز وقطعت الخس ناعم وبس تستوي الفليفلة مع الصدور بطفي تحتا وببلش بتطبيقا عالخبز

طريقة التطبيق :بدهن شوي كريم توم عالخبزة وبحط شوي خس وبحط من الطبخة وبلفا باحكام مشان ما تفلت معي وهيك حتى خلص كمية الخبز مع الطبخة

بعدين بدهن المقلاية او (الكباسة)شوسة زيت وبحط اللفات فيا مشان يتقرمشو وهيك بكون طبختنا جاهزة

طبعا هي كتير سهلة وطيبة 😋😄

الف صحة وعافية ❤