بنجيب طاسه بنحط معلقتين سمنه بلدي وبعدها ننزل بدقيق السميد ونخفف النار خالص ونفضل نقلب كويس في البسبوسه لحد ما كلها تأخذ لون ذهبي ونشيلها من على النار وننزل عليها بنص كوب شربات تقيل ونقلبهم كويس ونسيبها على جنب تبرد

بنجيب صينيه وندهنها سمنه كويس ونجيب لفه الجلاش وناخد ورقتين وندهنهم سمنه بالفرشه كويسه ونحط مقدار من البسبوسه ونخلي بالنا منحطش على الاطراف

ونقفل الجلاش من الجوانب زي الصوره ونلفها ونحطها في الصينيه وهكذ لحد ما نخلص الكميه (وممكن نحط بندق مجروش على البسبوسه او جوز هند او المكسرات اللي بتحبيها)

وبعدين ندهن الوجه باقي السمنه كويس ونحط كميه كويسه من السمنه على الوجه علشان تأخذ وجه حلو وقطع الجلاش المقاس اللي يعجبك وندخلها فرن سابق التسخين على ١٨٠ درجه والجوانب تحمر بعدها نشغل الشوايه تأخذ لون ذهبي وبعد ما تطلع وهي ساخنه ننزل عليها بشربات تقيل بارد ونغطي الصينيه والف هنا علشان تبقي طريه وفي نفس الوقت نحافظ على قرمشتها ٧

مقدار الشربات (٢كوب سكر + كوب ونص مياه + عصره نص ليمونه + رشه فانيليا)