كعكة التريلتشا الأسطنبولية

نشغل الفرن ع درجة حرارة ١٧٠

الكعكة : نخفق البيض مع كاس السكر ورشة ملح لحتى يتكاثف ويصير مثل الرغوة(كريمي). منضيف الزيت وبنطفي الخلاط. بنحط لطحين،باكنغ باودر والفانيل وبطريقة تقليب بمزج كل المكونات. بندهن الصنية بزيت ذرة وبنحط الخليط. بندخل الكعكة لمدة نص ساعة. (في الفيديو الاول توضيح بعد خفق البيض لمدة ٧ دقائق) (في الفيديو الثاني طريقه مزج الطحين عن طريق التقليب) يجب التقليب بحركة اكثر سامحوني مشان ماسكة التلفون وبحرك بيد واحدة 😋

بنحضر التشريب للكعكة : اربع كاسات الحليب و علبة كريمة الخفق وفانيل والسكر ، بنخلط كلهم مع بعض وبعد ما تطلع الكعكة بنتركها تبرد، بعدين بعود اسنان بنخزقها من فوق وبنشرب كل الخليط ع الكعكة.(في الفيديو لتوضيح كمية استكفاء الكعكة من الحليب)

الكريمة : بنحط في الخلاط علبتين الكريمة مع السكر والحليب والبودينغ فانيل. بنخفق لحد ما يعطينا كريمة. وبعد ما تجهز بنحط في كيس تزيين معلقتين من لكريمة والباقي بندهن ع الكعكة من فوق. وبندخلها ع لفريزر لمدة نص ساعة.

بنحضر الكراميل : بنحط السكر ب المقلى ع نار بدون ولا اي تحريك لحد ما يذوب السكر لحالو بعد ما يذوب بنضيف الزبدة والحليب والكريمة بنكون سخناهم في الميكرويف وبنضيفهم. كملو حركو كلو مع بعض ع نار هادية فقط بمعلقه خشبيه لحد ما يعطينا بعد كم غلوة كراميل. بنطفي النار بنتركه يبرد بعدين بنحطه ع الكعكة فوق طبقة لكريمة.

واخر شي بناخد كيس التزين يلي تركنا فيه معلقتين كريمة بنقص الطرف صغير وبنعمل سطور من لكريمة بعدين بناخد عود وبنبلش نسحب لقدام ونسحب الى الوراء لحد ما يعطينا الشكل يلي بصورة.