اولا مننقع البرغل بماء مفتر مع السميد ومنحط رشة الملح ومنقطع البصل لاربع اقسام.مننتظر ساعة لينفش البرغل بينما منكون نحن عملنا الحشوة

منساوي الحشوه كالتالي.منفرم البصل ناعم ونقليه بشويه سمنه وبس يشقر منحط فوقو اللحمة ومنستناها لتستوي

بس تقرب تستوي اللحمة والبصل منرش ملح وبهار ومنكون حمصنا الفستق وبعدها منحطو مع الحشوه ومنستناها لتبرد

بنفرم البقدونس ناعم.ولما بتبرد الحشوة منحطو معها..

منرجع للبرغل ومنبلش منديرو على الماكينا تبع الكبه.لحتى يصير متل العجين.وبس يمشي حالو. نبلش نكورها ونعملها بالشكل المطلوب ونحشيها بالحشوه ومنسكرها...

اخر خطوه منسلق الكبه بعد ماخلصناها بماء وملح شي بسيط واذا بدكو بتصير قلي على راحتكون

ندير اللبن ونحطلو شويه نشا وبيضه وحده منشان مايفرط ومنظل نحكو بطريقه دائره لحتى يغلي ومنحط الرز شي كاسه وبس يستوي وتصير اللبنيه. منحط الكبه بالزبادي ومنحط فوقها اللبنيه الحارة...

والف صحة وهنا على قلوبكون وبيتاكل معها البصل الاخضر والفجل والفليفله الخضرا😋😋