نحط الدقيق الملح والسكر ونعجن بالماء كيف الكسره تماما وندلكها وكل مره نرشها بالقليل من الماء لمرتين او ثلاث فقط ملزمش تكون كيما تع المسمن لازم تكون حاكمة روحها شوية باش من بعد كي نفتحها ونحط فيها الحشو متتقطعش ونخليها ترتاح في كل مرة نتركها ترتاح مره اخرى ثم نلوزها الى كريات متوسطة الحجم قد حبة الطماطم ههههه

نجي للحشو نقطع البصل تاعي نحطو مع الزيت ونخليه يتغلى قليلا نحط الطماطم المرحيه بعد ما نكون عصرتها من الماء لي فيها ونخلطها ثم نضيف التوابل لي ذكرتهم ونخلط ونخليهم حتى طيب البصل وتنشف قليلا من الماء ثم نطفي النار ونحط فلفل اخضر حار مقطع والدبشه المقطعه

ونغطي الحشو ونخليها يبرد قليلا

كي يريح العجين ديالي نبدا نفتح وحدة ونحط فيها ملعقة من الحشو وندهن بيه العجين ونفتح عجينة اخرى ونرفدها ونحط على العجينه الاولى ونحاول نغلقها على الاطراف

قبل ما نخدم المحاجب تاعي نكون سخنا الطاجين تع الحديد ونرشو بالزيت ونرفد المحاجب تاعي غير بالشوية ونحطها على الطاجين ونسقمها على شكل دائرة ونبيكيها بالفرشيطة وكي نشوفها بدا يدخلها الطياب نرشها بالقليل من الزيت ونقلبها ونخليها تأخذ اللون الذهبي