دجاج مقلي يهبل

اطلبي من الجزار يقصلق الفخاد بالشكل هاذا و الا قصيهم نتي برك

حطي الدجاج يطيب (يستوي) في ماء مغلي و ملح و القليل من الثوم

خلطي البيض و الملح و الثوم و الفلفل الاسود توابل الدواجن الكركم و نصف ملعقة صغيرة نشاء او مايزينة

احكمي البسكويت تاعك او الكورنيفلكس هرسيهم الا كان بسكويت او خبز يابس ديريه على شكل شابلور و الا كورنفليكس هرسيه الى قطع صغيرة و خلطي معاه زعيترة و توابل الشاورما و الفلفل احمر بودرة تحبي الحار و لا العادي لك الاختيار

تحكمي الدجاج تاعك تغمسيه في الفرينة ثم البيض ثم الشابلور و تكوني معمرة المقلة زيت و خليتيه يسخن من قبل من بعد حطيهم يتقلاو

كي تقليهم حطيهم فكسكاس يقطرو من الزيت و يقدمو مع البطاطا المقلية او المهروسة و لا اي حاجة تحبيها // شهية طيبة //