كشري مصري

سلق المكرونه الاسباكتي والمرمريه مع بعض

سلق الحمص

سلق العدس

عمل الارز بالشعريه بدون اي اضافات ولا حتي ملح نحط الزيت ونحمر الشعريه تاخد لون الدهبي ونحط الارز دقيقتان ونحط الميه ونهدي علي خالص

الدقه.هنقطع الثوم ناعم وبعدين نجيب طاسه نحطها علي النار نحط معلقه زيت كبيره وبعدين نحط الثوم دقيقه ونحط الكمون قلبيه كويس وتضيفي الخل وبعدين شويه مياه بعد متغلي تطفي عليها وتعصري عليها الليمون وتحطلها الملح

الشطه.طاسه علي النار وحطي معلقتين زيت وحطي الشطه الذودره لحد متلقيها لونها اغمق وتحطي عليها كوبايه صلصه طماطم من الي عملتيها للكشري.ملحوطه ابعدي الاطفال عن المطبخ وشغلي الشفاط وحاولي تبعدي وشك ومناخيرك عن الشطه

الصلصه طماطم عاديه مفرومه وعليها معلقتين صلصه ومتسبكهاش اوي خليها ولا تقيله ولا خفيفه ومتضفيش عليها اي شئ طماطم وصلصه بس

البصل يتقطع هاف سلايس ناعه ويتفرك بدقيق وكمون ويتحمر في الزيت

اهم نقطه بعد متحمري البصل ضيفي علي كل حاجه من الي عملتيها معلقه زيت من الزيت الي قليتي في البصل والف هنا