لقم (عوامة)

اول الشي بخلط الطحين والسميد والنشا والسكر والملح والفانيلا والخميرة وبعدين ببلش ضيف الماء شوي شوي لحتى تمتزج المواد مع بعضا طبعاً العجين لازم تكون شوي خفيفة (مو سميكة كتير ولا خفيفة كتير وسط)

وبتركون شغلة ساعتين لحتى تختمر العجينة بهذا الوقت انا بغلي السكر مع الماء وعصير النص ليمون وماء الزهر لحتى يتقل القطر شوي بطفي تحتو

برجع للعجينة بعد ساعتين بحمي زيت نباتي للقلي وببلش قلي (طبعاً القلي لازم يكون على دورين حتى يطلع اللقم مقرمش) انا بعملون بايدي بدهن ايدي شوي زيت نباتي حتى ما يلزق عليهون وبقطع القطع بمعلقة صغيرة كمان بدهنا زيت نباتي حتى ما تعذبني

بعد ما خلص اول دور (لازم بالدور الاول ما خليون يتحمرو كتير) بتركون شوي وبرجع حمي الزيت من جديد وارجع اقليون مرة تانية وفورا عالقطر وهيك بكون خلصت

وبالصحة والعافية