تحضير الدجاج : نجيب دجاج نتاعي نملحو من الجهتين في صحن ندير 3م.ك زيت (ملح ،فلفل اسود، كمون، راس الحانوت، سكنجبير) كامل م. ص ما عاد فلفل اسود ندير نصف م. ص ندهن بيه الدجاج من الجهتين تحبي تخليه يرتاح خليه 30 د و ادا كنتي مزروبة طيبيه تمتم في قدرة ندير زيت نحط الدجاج على متوسطة مرة على مرة نقلبو حتى ياخد لون شباب يطيب نص طياب راح يطلق صوص نتاعه خليه ينشف شوية نجيب مول تع زجاج نحط فيه دجاج و نخليه يكمل طيابو في الفرن رح يديلك حوالي 45 د الى سا

و إلا شفتيه ما طابلكش ولا شكيتي ديريه في كوموط و ديري معاه نص كاس ماء و خليه يطيب مليح على متوسطة و إلا من الاول ديريه في كوكوط يطيب من بعد كي يطيب دخليه يتحمر ديري لي تساعدك

تحضير الارز : نجيب روز نقليه في هاذيك زيت لي قليت فيها الارز ندير ملح فلفل اسود كمون و سكنجبير و كركم و نقليه نسخن 2كيسان ماء فس الكيل لي كيلت بيه الأرز و نضيفلو نصف مكعب دجاج و هذا اختياري بعد ما يسخن نمرق و نقسلو نار تماما و نخليه 10 د كي تشوفيه دار فقعات طفي و خليه يزيد يشرب و مرة على مرة حركيه (انا درت ارز ستار مفور..) و يكون واجد