اولا نقطع البصل و الثوم و الفلفل الحار نضيفلهم الملح و نضعهم في مقلاة مع الزيت و نخليهم يتقلاو بعدها نظف السلق جيدا و نقطعو قطع صغيرة و نضيفو للخليط الأول و كل مرة نخلط حتى يطيب (يذبل السلق) و نطفي عليها.

في وعاء نضع البطاطا المغلية نهرسها بالشوكة و نضيفلها خليط السلق و التوابل و الجبن و الزيتون و نخلط جيدا حتى تتجانس.

نفتح اوراق الديول و نحشيها بالخليط لي كنت وجدتو و نلفها حتى نكمل كل الكمية.

نحضر مقلاة فيها زيت فوق النار و نقلي حبات البوراك و نضعهم فوق ورق ماص ليمتص الزيت بعدها نقدموهم و بالصحة.