نضع في صحن كبير كاس الماء الدافيء والخميرة والسكر وكاس فرينة (طحين او دقيق) ونخلطهم جيداً بالفوي او(بملعقة خشب او سيليكون)...ونغطي الصحن جيداً ونتركها تختمر مدة 10 دقيقة او ربع ساعة

بعد 10 دقيقة نرفع الغطاء ونضيف الى الخليطربع كاس زيت والملح والخميرة الكيميائية ثم نضيف الفرينة (طحين) تدريجيا حتى نحصل على عجينة طرية (نستعمل الزيت لدهن اليدين كي لا تلتصق)

نضعها على طاولة العمل ونقسمها الى اربع كرات متساوية ثم نرش الطاولة بالفرينة ونفتح العجينة على شكل دائري.

لما نفتحها نجعل السمك رقيق.ثم نطويها (روليها) ونضعها في بلاطو مدهون ومرشوش بالفرينة او مفروش بورق الطهي

خلوها تختمر قليلا ثم ندهنها بواسطة فرشاة خاصة(سيليكون مثلا) بصفار بخليط صفار البيض والقليل من القهوة السائلة وقطرات من الخل ثم بواسطة سكين حاد نعمل فتح طولي كما في الصورة (من الافضل نفتح قبل الدهن.انا نسيت الفتح حتى دهنت) ثم نرشه ببذور السمسم.

نترك الخبز يخمر جيداً حتى يتضاعف حجمه.على الاقل ربع ساعة ثم ندخله الفرن المسخن من قبل على 180 درجة تقريبا 20 الى 25 دقيقة ولما يبدا يحمر على الجوانب ننزله ونشعل المشواة كي يتحمر

ملاحظة1: نقدر نضاعف المقادير.انا عن نفسي كي احصل على 8 خبزات حضرت الدفعة الاولى ولما ادخلتها للفرن بدات تحضير الدفعة الثانية ولما اخرجت الاولى من الفرن كانت الثانية تتخمر لادخالها الفرن.

ملاحظة2: اذا ضاعفنا المقادير من الاول راح تحصلي على 8 خبزات متساوية واذا لا نستطيع طهيها في الفرن كلها يجب وضع الدفعة الثانية في الثلاجة حتى نخرج الاولى من الفرن.شهية طيبة والف صحة وعافية.

أضفت لكم اليوم هذه الصور لاني عملت 8 خبزات على ضربة واحدة و حطيتهم في بلاطو الفرن تاعي.(لي هو خفيف بزاف وفي العادة يحرقلي الاكلات) لكن قلت نجرب و طلعتو لفوق بزاف على النار كي لا يحترق ولما اصبح لونه اصفر نزلتو واشعلت المشواة.طاب روعة!

وعملت في خبزتين فتحات عرضية (تجربة اخرى هههه) كما في الصور جاو احلى من الفتحات الطولية.