مسقعه

نقطع الباذنجان و البطاطس دوائر ويتنقعو في موية وملح لمده ربع ساعة

نقلي البطاطس و الباذنجان واذا حابين ممكن ندهنهم زيت زيتون وندخلهم الفرن

نغطس الطماطم في موية حاره لمده تتراوح من نص ساعة لساعة عشان نقدر نقشرها واذا عندكم طريقة اسرع لتقشير الطماطم يا ليت تفيدونا

قبل نغطس الطماطم في الموية الحاره حنقطه اكس صغير من تحت ومن فوق نقطع الراس

حنبدأ نشوح البصل على النار بربع كاسة زيت زيتون وبعد ما يشقر لونه نضيف الفلفل الاخضر بعد ما قطعناه

بعدها حنضيف الثوم لين تطلع ريحة الثوم حنضيف المفروم وبعد ما يستوي المفروم نضيف البهارات

في دي المرحلة حنبدأ نقشر الطماطم ونخلطهم في الخلاض ونضيفهم للمفروم

ونضيف لهم موية ونسيبهم لين يستوي الحمص ولما يستوي الافضل انه يكون فيه موية يعني ما يكون ناشف

دحين نوصل للمرحلة قبل الاخيره حنبدأ نرتب المكونات بالترتيب في الصينيه اول شي حتكون طبقة البطاطس المقليه

وبعدين حنحط نص الخليط حق المفروم ونرص الباذنجان المقلي فوقهم ونسكب باقي المفروم عليه من فوق واذا حابة انك تزيني الطبق ممكن تضيفي قطع الفلفل و الطماطم فوق الصينيه

يدخل الفرن لمده ١٥ دقيقه وبالعافيه

حقيقي ع قد ما ان الطبخة تاخد وقت الا وانها تستاااهلل