اول حاجة ننزل باللبن مع السكر والخميرة ونقلبهم كويس لو احنا مش متأكدين من الخميرة ممكن نسيب الخليط على جنب متغطي ونشوف لو فيه فقاقيع طلعت يبقى الخميرة شغالة ونكمل اما لو احنا متاكدين من الخميرة مش لازم نعمل الخطوة دي

بعدما قلبنا البيض و الفانيليا ننزل بالزبدة ونقلب

ننزل بعدين بالدقيق مقدار الدقيق هو كوبين دقيق وفي كوب زيادة ممكن نحتجها وممكن لا لانه بيعتمد على نوع الدقيق و حجم البيضة و معيار اللبن بس الثابت هو اللبن والبيض ننزل الاول بالكوبيتين ولو لقينا العجينة لسه طريه ومتجمعتش على بعض نبدأ ننزل بالكوباية الثانية بالتدريج ونعجن لحد ما العجينة تتجمع معانا زي الصورة الي جاية

ده شكل العجينة بعض ما اتجمعت معانا وبقت عجينة متماسكة لازم نعجن فيها من 5-7 دقائق

بعد ما عجنها نشيل العجينة في بولة ونغطيها من 10-20 دقيقة تختمر حسب الجو

ده شكلها بعدما اختمرت

ننزل العجينة من البولة و نعملها على شكل اسطوانة ونبدا نقسمها المقدار ده بيعمل 15 واحدة حجم متوسط او عشرة حجم كبير

بعد ما قسمنها نبدأ نعمل كل واحدة على شكل كورة ونحطها على البلنشة ونغطيها ونسيب العجينة 10 دقائق ترتاح

نبدأ نأخذ العجينة نعملها على شكل البقسماط

وبعدين نلفها عكس بعض يعن نحط ايدينا الاتنين على حرف العجينة واحدة تتطلع فوق واحدة تنزل تحت

وبعدين نحط النهايتين على بعض ونلف العجينة

ده شكلها المفروض يبقى معان الشكل ده نبدأ نرصهم بالترتيب اول واحدة عملنها وبعدين الثانية عشان نبدأ باول واحدة او ما نخلص تشكيل العجينة نسيبها تختمر تاني من 5-10 دقائق حسب الجوه

ده شكلها بعد ما اتخمرت حجمها كبر

ننزل بالعجينة في الزيت الزيت على نار متوسطة عشان الدونتس تستوي من جوه متبقاش عجينة و تأخذ لون حلو اول ما تطلع من الزيت ممكن ننزلها في السكر الحبايبات او السكر البودة والقرفة

ده اللون الي احنا محتاجينه وبكد نكون خلصنا وصفتنا يارب تعجبكم وبالف هناء و شفاء