تحضير كراميل : نحط في كاسرول سكر و الماء و نخليهم فوق نار حتى يبقى يطلع فقعات ثقال نطفي النار

لما نطفي على الكراميل نفرغه مباشرة في صينية الكيك و نقشر البرتقال و نقطعه دوائر و نستفه فوق كراميل

تحضير الكيك : نضرب زبدة طرية و سكر جيداً ثم نضيف بيض و مبشور برتقال و نواصل الخلط باليد عادي ثم نضيف الفرينة (طحين) و الخميرة و نتحضل على خليط

نفرغ الخليط فوق الكرميل و البرتقال لي حضرناهم من قبل و ندخلها الفرن يكون ساخن

نحضر الشاربات : نعصر حبة برتقال و نصف حبة ليمون صغيرة و نضيف سكر و نصف كاس ماء نحطها فوق نار يتفاعل سكر مع برتقال و نطفي عليه

في الاخير نخرج الكيك و نسقيه مباشرة بشاربات البرتقال نخليها تشرب و نقلب الكيك في صحن