في إناء نضع الحليب دافىء الخميرة السكر بياض بيضة ملح نخلط جيداً و نبدأ نشيح بالفرينة ونقلب غير بملعقة او فوي نتحصل على عجينة تتلاصق نوعا ما يعني طرية تماما نغطيها ونخليها ترتاح حتى يتضاعف حجمها

بعد ما يضاعف حجمها نروح مباشرة نعملها كريات حجم حسب الرغبة

نحضر صلصة طماطم انا رحيت طماطم ثوم ملح فلفل أسود ملعقتين زيت ملعقة كبيرة طماطم مصبرة فلفل أحمر وخليتهم على نار حتى طابو ونشفت طماطم ضفت معدنوس (بقدونس) مقطع رقيق وطفيت خليتها تبرد نفتح كرة بحلال نحطها فوق الة سوفلي نحط صلصة طماطم تونة وجبن مثلثات جبن سندويشات جبن مبشور ونغلق بالة نحي زوائد

نحطهم في بلاطو فيه ورق الزبدة وندهن الوجه بصفار البيض معه ملعقة صغيرة قهوة ونرش جلجلان (سمسم) وندخلهم للفرن مسخن مسبقا يطبو من تحت نشعل من فوق حتى يتحمرو شهية طيبة