كيكة بالحليب
الخطوات
- 1
هنجيب بوله هنحط فيها الدقيق و البيكنج باودر نقلبهم سوى بعد كدا ننخلهم يجي 3 أو 4 مرات عشان ندخل فيها هوا بعد ما نخلص نخل نحط الملح و نسيبهم على جنب.الكبايه اللي هستخدمها في الوصفه نفس الكبايه و هي مقدار كبايه شاي عادية متوسطة
- 2
في الخلاط هنحط البيض و الليمون(الليمون بيفتح لون الكيكة من جوا) و الفانيليا و نضربهم كويس في الخلاط لحد ما لونه بفتح شويه بس منكترش في الضرب بعدين هنطفي الخلاط نريحه 3 ثواني كدا 😂بعد كدا نشغله و ننزل بالسكر شويه بشويه بعد ما ننزله نضربهم دقيقه كدا بعدين نطفي و نشغله و ننزل بالزيت خيط رفيع كدا لحد ما يتقل الخليط يبقى زي الكريمة كدا مش سايل عشان يبقى كويس مش يبوظ الكيكه
- 3
بعد كدا هنجيب بوله الدقيق و ننزل عليهم بالخليط بتاع الخلاط و عليهم نص كبايه اللبن هنقلبهم مع بعض بمضرب سلك براحه في اتجاه عقارب الساعه مش اتجاهات مختلفه عشان الهوا ميطلعش من الكيكه لحد ما الدقيق يختفي و الخليط ينعم بعد كدا هنحط ملعقة صغيرة خل(بيدي هشاشه للكيكه) و نقلب براحة برضو لحد ما يختفي كدا تمام..
- 4
هنشغل الفرن على 180 يسخن لحد ما نجيب صينيه مقاس 24 و ندهنها زيت أو زبدة و نبدرها بالدقيق و بعدين ننزل بالخليط فيها و بعد كدا نخبطها على الأرض أو على أي سطح يعني عشان متشققش في الفرن و تتساوي و بعد كدا هتدخل الفرن لمده نص ساعة عند الدقيقه 30 هنفتح نختبرها بسكينه استوت ولا لسه لو استوت هنطفي عليها و نسيبها في الفرن لمده 10 دقائق عشان تأخذ اللون الغامق اللي فوق دا و متهبطش عشان فرق الحرارة بين جوا و بره بيهبطها و بالهنااااا😘❤
- 5
ملحوظه: البيض يطلع قبل ما نعمل الكيكة بساعتين كدا و اللبن يكون دافي مش ساقع من الثلاجه
وصفات مشابهة
-
-
-
-
-
-
-
-
الكيك بالحليب الكيك بالحليب
زهقت من الكيك بالشوكولاته او الكريمه فقولت اغير واعمل الكيك العادي وبصراحة طلع تحفه وهشه جداً دا غير انها طلعت عاليه جداً
-
-
-
-
وصفات ننصحك بمشاهدتها
التعليقات