اول حجى ندوبو زبدة معى زيت نضيفلهوم لحم ودجاج وحمص ملح فلفل اسود كي تقلاو شوية من جيهتين نرمي بصلكيما راهو واضح في صورة كي نرمي بصل نخليها تتقلا مليح حتى دوب وبعد نمرق بماء سخن جداً ونغطي عليها ونخليها

ديري شوية زيت في يديك ومسحي بيه كسكاس به ماتقعدلكش في ڤاعو وجنابو وفوريها مرة لولة كي تفور مليح بخيها بكاس ما وفتليها مليح لازم كامل تتقاس زيديلها فورة تاني ونفس شي ديري نصف كاس تع ماء معا ملح وملح يكون حسب رغبة طبعا فورة لخرة خليها كي يطبلك لحم بعدما تكوني نحيتي جاج تاعك قبل

وحركي بمغرف حطب حتى تدخل مرقة كامل في نعمة كيما نقولو حنا نجمروها على بارد يعني نجمروها بلمرقة سخونة ونعمة سخونة مي مش فوق نار هذي هيا تجمار على بارد هيا ماتجيش كي طعام لخر تع خضر ولا غيرها لي تحطي نعمة شايح وتسقيها هاذي هيا

كي تكملي تفويرة لخرى حطيلها ملعقة اكل زبدة ولا سمن وسقيها باهاذيك مرقة تعها لازم يكونو في زوج سخان مرقة وا نعمة وطبعا اذا كنتي قليتي مليح بصلة تاعك تلقايها ذابت ولات مرقة تاعك خاترة اذا لقيتي فيها شوية بصل وافراد عائلة تاعك يحبو كلش مصفي طبعا صفيها ومرقي بها هاذيك نعمة كامل

ملاحظة هذا نوع من طعام من تقاليد قسنطينة العريقة وتتكل هكا يعني متجيش معها خضار تع خضار وحدها نتمنا تكون نالت اعجابكم وتربوها وتردولي بنتها وحدها😜💕حبكم