اول حاجة نجيب سردين ونغسلة ونحطه في المصفى مايل لتحت ليلة كاملة في الثلاجة في الصيف وممكن على المطبخ في الشتاء والملح لكل كيلو سردين من 4-5 ملاعق ملح ونص الكمية شطة ممكن نزود الملح ملعقة كمان لو حابين السردين حادق زيادة, نخلط الملح والشطة كويس

في علبة او برطمان محكم الغلق نحط كيس و نرص السمك عكس بعض ونرش عليه من خليط الملح والشطة

نرص الصف التاني ونرش ملح هكذا لغاية اما نخلص

بعدين نقفل الكيس جامد وميكونش فيه هوا او نتخلص من الهواء على قد ما نقدر و بعد يومين ثلاثة السردين هينزل منه سوائل بعدها كل يوم او اتنين نقلب العلبة عشان السوائل تطول السردين كله بيقعد معانا من 10-15 يوم حسب حجم السمك وبكدا نكون خلصنا وصفتنا وبالف هناء وشفاء