بيتزا منزلية خفيفة

في إناء نحضر العجينة: كلع من الفرنة منزوع كاس نزيد حبة بيض و زيت نبسسها شوية نضيف الخميرة و الملح و السكر ونلمها بحليب دافي حتى تولي تتلاصق ما نزيدش الفرينة نسيي نسلك يدي بقاطعة عجينة نخليها ترتاح 5دقايق و نرجع ندهن يدي بزيت و نلمها و ندلكها شوية و نغطيها بساشي و نخليها ترتاح

نوجد باقي المكونات نشوح صدر تع دجاج و لا اي شي متوفر نقطع الطرشي و نسكرفج الفرماج و نخليهم على جيه

لما تختمر نحكم كل خبزة في نفس الوقت نسخن الفرن نحل كل خبزة و نوضع الصوص و الدجاج و الطرشي بشكل عشوائي و الزيتون الاسود و الفرماج من فوق

نطفي الفرن من فوق و ندخلها الخبزة راح تطيب اي تستوي من فوق و من تحت و يذوب الفرماج ذوقها و لا اروع و تجي خفيييييفة و تقنع