الخطوه الثانية نحط الفرينه السميد الملح نخلطهم ونظيفلهم نصف كاس زيت ونبسسهم مليح نحك الخليط بين يديا باش يدخل الزيت مع الفرينه

هنا نجيب الماء والعسل لي حطيتهم على النار غير يرفدو الغليه الاولى نصبهم على خليط الفرينه ونخلط بالملعقه جيداً وبسرعة وندلك العجين اذا قدرتي تتحملي الحرارة خلطيها بيدك حتى نتحصلو على عجينه ملساء والخليط الكل يمتزج نغطيها ونتركها ترتاح لربع ساعة

لما ترتاح العجينه ندهن صينية بالزيت او نرش الفرينه وتكون بزاف شويه باش ميلصقوش الاصابع تع الزلابيه تاعي و نحط العجينه تاعي في بوش والقمع تاعو يكون مسنن الحجم المتوسط ولا الصغير لا حبيتي ونشكل الاصابع تاعي ونعملهم قد بعض تحبي تقصي بالمقص ولا تنحيها بيدك ونعاود نتركها ترتاح لمده عشر دقائق تقريبا

نبدأ نقلي الزلابيه تاعي في زيت يكون غزير على نار هادئة قليلا ونكونو سخناه جيداً جيداً من قبل ونحطهم ونخليهم حتى يحمارو ويأخذو اللون الذهبي وهوما سخونين نحطهم في عسيله بارده منكونش ضفتلها حتى شيئ ثقيله هكاك ونترك الزلابيه تاعي قليلا في العسيله ثم نحطها تقطر