نبدأ بعمل الجيلي نخلط العلبتين مع الماء الساخن والعصير (بستخدم عصير مكان الماء البارد عشان بيدي طعم احسن) وبعد كدا نسيبه يبرد

وابدا اعمل المهلبيه بخلط الحليب مع النشا والسكر على البارد وبعدين احطه على النار لحد ما يتقل وبعد كدا اضيف ظرف الكريم شانتيه عشان والفانيليا عشان يدي طعم (لو مفيش كريم شانتيه ممكن نحط سحلب بيديه طعم حلو برضو) وكدا المهلبيه جهزت

اسيب المهلبيه تبرد برضو واطحن البسكوت كويس واحط عليه زبده بكميه معقوله لا كبيره ولا صغيره بحيث البسكوت يمسك في بعضه

ابدا احط البسكوت على ارضيه الصينيه اللي هعمل فيها او الاطباق واضيف عليه المهلبيه بعد ما بردت وبعدها الجيلي بعد ما برد برضو واصبه براحة بحيت ميخرمش المهلبيه او ينزل لتحت

وممكن برضو نقطع فاكهه ونضيفها قبل الجيلي او المهلبيه وبعد ما نخلص نسيب الاطباق في التلاجه شويه وبالهنا والشفا