قطعت لبصل وقليتو مع شوية زيت وزبدة حتى ذبال وفرغتلو نص حبة طماطم مسكرفجة (مفرومة) زدت مغرفة صغيرة طماطم مصبرة وتوابل فلفل كحل و وقرفة قليتهم مع بعض منبعد زدتلهم ماء

للحشو درت داند مرحي مع شوية رز ومعدنوس ورشة فلفل اسود وسنينة ثوم وبيض وعجنتهم وعمرت بيه البطاطا والقرعة

منبعد قليتهم في شوية زيد ودرتهم يطيبو مع لاصوص كي قريب يطيبو رميتلهم حميصة كانت طايبة وخليتها خثرت وطفيت عليها

وبقايا تع بطاطا وقرعة لي نحيتهم طيبتهم فلماء وملح بعدما طابو رحيتهم مع زوج حبيبات فرماج (جبنة) ودرتهم لبنتي صغيرة تاكلهم