اول حاجه هاخد نص كوباية العدس وافلها مايه مغليه واسيبه لحد ما احمر البصله..

في حله هنزل بزيت غزير ومعلقة سمنه البصل وأفضل اقلب فيه لحد مايوصل للون الأصفر وفيه أبيض بسيط اول مايوصل للون ده هشيله واصفيه وانزله في طبق عليه منديل

هاخد نص كمية الزيت واحمر الشعريه واصفي العدس وانزل بيه عالشعريه ياخد تقلبتين وبعدين هنزل بنص كوباية رز وهنزل عليهم بالخيط ده (م ص ملح.. م ص كمون.. م ص ثوم)

بعد كده هنزل بالمكرونه واشرب الكشري..

للصلصه هشوح ثوم في زيت وانزل ببق خل وبعدين طماطم وملح وفلفل اسود ومعلقة صلصه جاهزه

للشطه بقى زيت في الطاسه وعليه ثوم وشطه كتيييييير جدددا اسيبها تغلى غلوتين وبعد كده معلقتين كبار من صلصلة الطماطم بعد ماتتسبك

الدقه بقى في طاسه بردو شوية زيت واشوح فيهم ثوم عليه كمون وملح وبق خل وعصرة نص ليمونه ومايه وتغلي غلوتين وبس

هاخد نص الزيت واحمر فيه الشعريه