الخطوات
- 1
نحكم 3 كيلات سميد انا كيلت بصحن تاع الشربة الصغير مع كلية غير شوي تاع سمن و نكمل نعمر الكيلة بالزيت مع مغرف عسل صغيرة و نحطو فوق السميد و شوي ملح و نبسس السميد تاعي مليح من بعد نحكمو الكيلة تاعنا نديرو نص حليب و نص ماء و نلمو بلا ما نعجنو و نخليوهم يرتاح كل ما يطول مليح ليه انا شخصيا نبتو و لا نديرو مع الصباح و نخدمو العشوا
- 2
نحكمو الغرس تاعنا نقوها الا تاع لبطانة و و نعجنوها مليح بشوي تاع ماء كي تطرا نديرولها شوي قرفة و شوي قرنفل و نعجنو من بعد نديرولو شوي زيت باش تملاس و ندروهم كريات انا درت زوج حسب الرغبة
- 3
نروحو لعجينة تاعنا الا قيناها شربت نزيدوها شوي تاع الماء لكن حداري تڨلبوها عجينة لازم تقعد تفتفت شوي و نديروهم 4 خبزات باش نقدرو نحلوهم مليح 2 خبزات اكبر من 2 نحكمو الصغيرة نطرحوها شوي بيدينا و نزيدو وحدة كبيرة نطرحوها بيدينا نحكمو خبزة تاع الغرس كنا درناها قد لعجينة تاعنا الصغيرة و نحطوها فوق نحكمو لكبيرة نحطوها فوق الغرس و نلمو الاطراف(لازم نستعملو النيلو باش يساعدني كي نهزو الخبزات) و نقلبوها و نبدا نطرف بمساعدة النيلو كي ينتحصلو علي السمك لي حابين نقسوها حبيبات
- 4
نديرو طاجين طين فوقو طاجين لحديد و سخنوه نبداو بالاطراف نطيو باش نشوفو الا سخننلنا مليح و الا النار مليح حاجة برك لازم لبراج متقلبيهش بزاف لازم يطيب مليح باش تقلبيه علي الجيهة لخرا و تقربيهم لبعض باش بطيبو الاطراف
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات (4)